Одмор во ШПАНИЈА - Палма де Мајорка - Специјална програма за туристи над 55+ и приjатели!

Поаѓање во 18:00 ч. од аеродромот во Софија (Терминал 2) до Палма де Мајорка со директен лет на авиокомпанијата "Bulgaria Air". Слетување на аеродромот во Палма во 20:00 ч. Трансфер до хотелот. Сместување. Вечера. Ноќевање.

Појадок. Информативен состанок. Слободно време. Ручек. Екскурзија "Автентична Мајорка" (вклучена во цената): Се поминува низ планината Ранда, која се наоѓа помеѓу градовите Алгајда и Лукмајор. Највисоката точка е на 548 м. надморска височина, од каде во јасни денови се гледа речиси целиот остров (како и архипелагот Кабрера). Посета на Светилиштето на Пресвета Богородица Исцелителка. Таму се наоѓа пештерата во која Рамон Љул ги минува последните месеци од својот живот како пустиник во далечниот XII век. Целиот комплекс се состои од црква од средината на XVII век, Францискански манастир и аулата каде се предавала граматика, како и просториите кои биле населени од монасите во XVI век. Вечера. Ноќевање.

Појадок. Слободно време. Вечера. Ноќевање.

Туристичка програма по желба: Целодневна екскурзија до манастирот Лук, Форналуч и Соер со воз и автобус. Поаѓање од Палма де Мајорка со познатиот дрвен воз од 1912 година. Додека поминувате поред полиња со портокали, маслинки и бадем, ќе почувствувате како да сте во некој вестерн филм. Пристигнување во градот Соер, сместен во најплодната долина во Мајорка. Историскиот центар на градот е прекрасен пример за модернистичка архитектура, бидејќи е обликуван од архитекти кои работеле со Гауди и неговите следбеници. Поаѓање со автобус кон планината Трамунтана. Застанување во Форналуч - населба под заштита на УНЕСКО, со камени куќи, насликани ќерамиди, каде што е зачувана атмосферата на автентичната Мајорка. Посета на манастирот Лук- безсомнение духовниот центар на Мајорка. Најважното светилиште е статуата на Црната Мадона (Ла Марионета), за која се верува дека исполнува желби и лекува. Прошетка низ живописните планински села Селва и Каимари, со застанување во Инка- трети по големина град на островот и центарот на кожарската индустрија, чии производи се присутни на многу меѓународи модни подиуми. Посета на фабрика за кожа. Враќање во хотелот.

Појадок. Слободно време. Вечера. Ноќевање.

Туристичка програма по желба:

1. Полудневна екскурзија во главниот град Палма. Заминување од хотелот кон главниот град на Балеарските острови- Палма де Мајорка. Туристичка програма: “ Ла Сеу”, прошетка по тесните средновековни улички на старата Палма, Црквата “Света Јулија”, општината, зградата на парламентот на Балеарските острови, плоштад “ Хуан Карлос I’’, средновековниот замок “ Белвер”, лоциран на блискиот рид, со уникатна готска архитектура и сведок на времето, кога Мајорка била независно кралство на Медитеранот. Враќане во хотелот.

2. Вечерно шоу “Сон Амар”

Појадок. Слободно време. Вечера. Ноќевање.

Туристичка програма по желба: Полудневна екскурзија до пештерите Драк и фабриката за бисери. Поаѓање во вториот по ред град на островот- Манакор. Застанување во фабриката за бисери “Махорика”. Посета на пештерите Драк- грандиозни и збогатени со карстни форми на Мајорка. На крајот од прошетката ќе сигнете до амфитеатарска сцена пред големо подземно езеро со чиста вода. Ќе се нурнете во спокојна атмосфера во придружба на музиката од Шопен, Мартини, Кабајеро и Офенбах. Застанување на пристаништето во Порто Кристо, најзначајното крајбрежје со луксузни јахти и прекрасен поглед. Враќање во хотелот.

Појадок. Слободно време. Вечера. Ноќевање.

Туристичка програма по желба : Целодневна екскурзија до Алкудија, Нос Форментор и Поенса. Поаѓање за северниот дел на Мајорка. Застанување во фабриката за кожа во градот Инка - центар на кожната индустрија. Екскурзијата продолжува кон градот Алкудија, познат по својата арена за корида, ѕидовите на тврдината, неоренесансно-барокната црква “Света Хајме”и традиционалниот пазар за типични за регионот производи и ракотворби. Ќе достигнеме до заливот Појенса и полуостровот Форментор, кој се смета за едно од најубавите места. Пауза за фотографирање на видиковецот "Ес Коломер", каде што се отвара прекрасен поглед кон малото истоимено островче. По желба, можност за патување со бродче наместо со автобус од заливот Појенса до Нос Форментор (карта за бродчето: 8-10е, се плаќа на лице место.). Поаѓање кон планинскиот град Појенса, омиленото место за творење и инспирација на писатели и уметници. Тука Агата Кристи го пишува романот “Проблем во Појенса”. Враќање во хотелот.

Појадок. Слободно време. Вечера. Ноќевање.

Туристичка програма по желба : Полудневна екскурзија до Валдемоса. Градчето Валдемоса е оддалечено 17 км. од главниот град Палма. Прошетка низ тесните камени улички, посета на Валдемоскиот манастир, каде за време на зимата 1838-1839 година живееле Фредерик Шопен и Џорџ Санд. Враќање во хотелот.

Појадок. Напуштање на собите. Трансфер до аеродромот. Поаѓање во 21:10 ч. за Бугарија со лет на авиокомпанијата "Bulgaria Air".

Пристигнување на аеродромот во Софија (Терминал 2) во 00:50 ч.