Џардини Наксос
Локација
Класичниот медитерански хотел "Nike" 4 * е лоциран во ресортот Џардини Наксос со уникатен поглед кон морето. На околу 200 метри од хотелот има ресторан и бар. Хотелот е на самиот морски брег, каде тишината и мирисот на море го дополнуваат задоволството од најубавите глетки кон вулканот Етна и бесконечното крајбрежје. Во близина на хотелот се наоѓа статуата на божицата Нике,одбележувајки го првото место кое древните грци го освојуваат од Сицилија. До срцето на одморалиштето и широката песочна плажа на Џардини Наксос се стигнува пешки за околу 15 мин. По мирен крајбрежен пат. Таму се наоѓа и автобуска станица, од каде може да земете и автобус до Таормина. Ориентациони цени: 1,90 € еден правец / 3 € повратна карта.
Услуги
Хотелот припаѓа на синџирот "Chincherini Holiday" и е комплетно реновиран во 2016 година. Колоритната зграда на хотелот со своите свежи медитерански бои ве поканува на летна безгрижност. Хотелот располага со климатизиран ресторан за 200 гости, бар со просторна тераса за 50 гости, отворен паркинг, безжичен интернет во заедничките делови.
Појадок на шведска маса 07:00-09:30. Вклучува благи и солени кроасани, бисквити, разновидност на колачи, јогурт, јајца, шунка, салами и сирење. Сок и кафе од апарат.
Вечерата се служи од 19:00 до 21:00 часот. Салатите се служат на шведска маса, а главното мени се избира на истиот ден на појадокот. Менито вклучува сицилијански и италијански специјалитети.
Соби
Собите се целосно реновирани и модерно опремени и имаат сè што е потребно за пријатниот престој на туристите - ортопедски и хипоалергени душеци, купатило со туш, сеф, клима уред, телевизор, мал фрижидер и безжичен интернет. Повеќето соби имаат балкон и поглед на Вулканот Етна или Таормина. Супериор собите имаат поглед кон морето.
Плажа
Хотел "Nike" **** се наоѓа на самиот каменест морски брег и располага со сопствена платформа со скали за директен пристап до чиста морска вода. Освен тоа, за погодност на гостите хотелот има поставено тераси за плажа, опремени со чадори и лежалки. На 500 метри од хотелот се наоѓа градската песочна плажа на Џардини Наксос со слободна и платени зона (користење на чадор и двe лежалки - 15 EUR).
1 | ||
Поаѓање вo 14:05 ч. од Терминал 1 на аеродромот во Софија со директен лет на "Wizz Air". Слетување на аеродромот во Катанија вo 15:00 ч. Трансфер до хотелот. Сместување. Информациона средба со нашиот претставник на лице место. Вечера. Ноќевање. | ||
2 | ||
Појадок. Слободно време. Вечера. Ноќевање. По желба и претходна резервација: полудневна екскурзија од „Од брег до брег“. Поаѓање од пристаништето кон Џардини Наксос со туристичко бродче. Кратко едрење покрај живописните брегови северно од одморалиштето ќе ве однесе до "убавиот остров" Изола Бела. Тука бродчето застанува во водата, нудејќи можност да попливате во прекрасните морски води или едноставно да уживате во жешкото сицилијанско сонце. Можете да се освежите со овошјето, закусите и пијалоците понудени на бродот. Потоа, морската прошетка продолжува до заливот Капотаормина за нуркање и посета на Пештерата на денот. Поаѓање назад кон пристаништето на Џардини Наксос, каде што завршува ова мини крстарење. | ||
3 |
| |
Појадок. Слободно време. Вечера. Ноќевање. По желба и претходна резервација: целодневна екскурзија до Етна и Таормина. Околу 08:00 часот поаѓање кон највисокиот во Европа и еден од најактивните вулкани во светот - величествената Етна. Локалците ја нарекуваат планината на планините, а старогрчкиот поет Пиндар ја опишува како столб на кој се крепи небото. За време на искачувањето со автобус на падините на вулканот до 1900 метри надморска висина ќе уживате во прекрасни пејсажи. Ова е местото каде што ќе ги видите страничните кратери на вулканот. Местото каде автобусот ја остава групата е многу раздвижено и нуди различни можности за забава. Бројните дуќанчиња со своите сувенири од лава ги повикуваат туристите. Овде ќе можете да пробате ароматен и силно алкохолен ликер "Огнот на Етна" или да купите од вкусниот мед од Ѕаферана, можете да се забавувате во 7D-кино, да ги "истражите" страничните кратери "Силвестри" и се разбира, да уживате во сицилијански ручек. Тука се наоѓа станицата "Сапинеца", каде со доплата љубителите на адреналин можат да се искачат со жичница и џипови до подножјето на централните кратери на вулканот на околу 3000 метри надморска височина на прошетка со туристички водич вулканолог. Попладне поаѓање за Таормина - бисерот на Јонското Море. Познатото сицилијанско одморалиште е основано во 400 година пр. Хр. на ридот над морето од бегалци од крајбрежниот грчки град Наксос. Искучителната положба на Таормина е причина за прекрасната панорама, од каде што се гледа секоја точка на градот. Автобусот ја остава групата во подножјето на градот, од каде со бесплатен градски автобус се пристигнува до срцето на градот. Слободно време за индивидуална прошетка во Таормина. Градот привлекува со своите знаменитости, кои сведочат за неговата долга историја и нуди различни можности за забава. Овде ќе можете да се запознаете со знаменитостите на Таормина - фантастичниот грчки театар, остатоците од римскиот Одеон, плоштад "9 април", плоштадот "Дуомо" со катедралата и Фонтана со кентаур, да се прошетате низ малите романтични улички на градот, да ги видите мноштвото продавници во кои ќе најдете традиционални за островот дела - рачно изработена чипка, накит од корал, керамика, да уживате во исклучителниот вкус на домашни колачи и омилениот италијански сладолед или да уживате во некое од прекрасните кафулиња каде служат ароматно италијанско кафе. * Се препорачува топла облека и удобни чевли! | ||
4 |
| |
Појадок. Слободно време. Вечера. Ноќевање. По желба и претходна резервација: целодневна екскурзија до Сиракуза и Ното. Околу 08:00 ч. поаѓање за град Сиракуза - најпознатата грчка колонија на Медитеранот и родно место на Архимед. Цицерон вели дека Сиракуза е "највеличествениот грчки град и најубав од сите". Разглед со локален водич на историскиот центар, лоциран на островот Ортиџа кој е под заштита на УНЕСКО: Храмот на Аполон - најстариот доријски храм во Сицилија од 6 в. Пр. Хр .; Плоштад „Архимед“; плоштад "Ил Дуомо" со прекрасната катедрала и црквата "Света Лучија", каде се наоѓа и оригиналот на едно од најголемите платна на Караваџо "Погребот на Света Лучија"; изворот на Аретуса, кој се поврзува со легендата за вечната љубов. Во слободното време ќе имате можност за индивидуална посета на музејот "Белломо" или за прошетка во пристанишната тврдина на Сиракуза "Кастело Маниаче" од 13 в. Попладне поаѓање за Ното - вистински скапоцен камен на барокната архитектура под заштита на УНЕСКО. Пешачки разглед во Ното: катедралата на Ното и доворецот "Палацо Николачи" - зградата на богати трговци на туна со најубавите барокни балкони на светот, цркви со соседните кон нив поранешни манастирски згради. Слободно време со можност за посета на палатата Палацо Николачи. | ||
5 | ||
Појадок. Слободно време. Вечера. Ноќевање. По желба и претходна резервација: целодневна екскурзија до Долината на храмовите во Агриџенто и Скала деи Турки. Околу 06:00 часот поаѓање кон Долината на Храмовите близу Агриџенто, дел од светското наследство на УНЕСКО. Разгледување на остатоците од девет антички грчки храмови кои датираат од V век п.н.е., посветени на боговите Хера, Зевс, Херкулес, храмот „Конкордија“. Агриџенто е основано во 6 век п.н.е. од доселениците од блиската колонија Џила, наречена Акрагас. Старогрчкиот поет Пиндар го нарекува "најубавиот град на смртници". Познатиот грчки филозоф Емпедокле (490-430 п.н.е.) е роден во Акрагас. Многуте руини во долината и остатоците од седумте храмови ја докажуваат својата милениумска историја. Тие се сметаат за најубави грчки остатоци надвор од Грција. Посета на Скала деи Турки која се наоѓа на брегот во близина на Агриџенто, кај Порто Емпедокле. Овој феномен наликува на скали кои водат кон брегот и поврзуваат две прекрасни плажи. Природата ја оформила преку морските бранови и ветерот низ милениумите. Денес таа е една од најпосетуваните туристички атракции. *Се препорачува лесна облека, капи и средства за заштита од сонце! | ||
6 |
| |
Појадок. Слободно време. Вечера. Ноќевање. По желба и претходна резервација: целодневна екскурзија до Модика и Шикли. Околу 08:00 часот поаѓање кон прекрасниот барокен град Модика, познат и како "Градот на скалите" поради неговата интересна висинска локација и стотици скали што го поврзуваат долниот дел со горниот дел од градот. Во минатото, Модика бил важен политички, економски и културен центар, а денес е еден од најинтересните и најпрепознатливите градови во Сицилија. Историскиот центар на градот е вклучен во Списокот на светското наследство на УНЕСКО. Модика, исто така, привлекува туристи со специфична продукција од средниот век, рецепт за чоколада што го носат шпанските освојувачи. Овде можете да најдете чоколада со лута пиперка, бадеми, цимет, лимон, сол и многу други. Поаѓање за Шикли - градот на режисерот на серискиот филм „Инспектор Монталбано“. Овде се снимени некои од сцените во култниот крими филм. Прошетка по главната улица "Франческо Мормина Пена" со најубавите барокни градби во градот: палати, цркви, јавни згради, обични приватни домови. | ||
7 |
| |
Појадок. Слободно време. Вечера. Ноќевање. По желба и претходна резервација: целодневна екскурзија до Палермо и Монреале. Екскурзијата започнува со посета на главниот град на Сицилија - Палермо, чија архитектура ги обединува сите стилови кои ја одразуваат испреплетената и богата историја на градот. Единствено во Палермо се задржани траги од влијанието на сите медитерански народи - феникијците, грци, римјани, арапи и нормани, шпанци и французи. За време на пешачката прошетка во градот се гледаат: "Порта Нуова", во непосредна близина до која се располага норманската палата "Палацо деј нормани" со прекрасната "Капела Палатина"; Катедралата „Успение на пресвета Богородица“; Плоштадот „Куатро Канти“; плоштад „Преторија“ со Фонтаната на срамот; црквата „Ла Марторана“, каде што фреските, византиските мозаици и барокот се слеваат во хармонично ремек-дело; „Театро Масимо“ - најголемата лирична сцена во Италија. Слободно време со можност за самостојно разгледување на градот и посета на некои од неговите знаменитостите - црквата "Свети Каталдо" катакомбите на капуцините, пазарот "Ла Вучирија" кој потсетува на арапските пазари – еден светол и жив спектакл. Екскурзијата продолжува со посета на Монреале кој е сместен на рид и од кој се открива прекрасен поглед на Палермо. Посета на познатата катедрала "Санта Марија Нуова", која ќе ве импресионира со позлатени мозаици, кои претставуваат сцени од Библијата на површина од околу 6.000 м2. Слободно време за прошетка низ уличките и чудесните дуќанчиња на Монреале. Можност за самостојно разгледување на 228-те колони од стариот бенедиктински манастир на кои се изгравирани религиозни и митолошки мотиви. * Во катедралите и црквите се влегува само со покриени раменици, деколте и колена! | ||
8 | ||
Појадок. Напуштање на хотелот. Поаѓање за Катанија - пешачка прошетка во центарот на градот (вклучена во цената). Трансфер до аеродромот. Заминување за Бугарија вo 15:35 ч. Слетување на аеродром Софија, Терминал 1 во 18:20 ч. |
Целодневна екскурзија до Етна и Таормина при минимум 20 туристи | от 12 г. | €39 |
от 2 г. до 11 г. | €19 |
Целодневна екскурзија до Сиракуза и Ното при минимум 20 туристи | от 12 г. | €58 |
от 2 г. до 11 г. | €29 |
Целодневна екскурзија до Палермо и Монреале при минимум 20 туристи | от 12 г. | €90 |
от 2 г. до 11 г. | €45 |
Целодневна екскурзија до Долината на храмовите во Агриџенто и Скала деј Турки при минимум 20 туристи | от 12 г. | €56 |
от 2 г. до 11 г. | €28 |
Целодневна екскурзија до Модика и Шикли при минимум 20 туристи | от 12 г. | €56 |
от 2 г. до 11 г. | €28 |
Пакет од 3 екскурзии: Етна и Таормина, Сиракуза и Ното, Модика и Шикли. Секојa од екскурзиите се спроведува на бугарски јазик при минимум 20 туристи. | от 12 г. | €140 |
от 2 г. до 11 г. | €70 |
Пакет од 4 екскурзии: Етна и Таормина, Сиракуза и Ното, Модика и Шикли, Долината на Храмовите во Агриџенто и Скала деи Турки. Секоја од екскурзиите се спроведува на бугарски јазик при минимум 20 туристи | от 12 г. | €190 |
от 2 г. до 11 г. | €95 |
Специјална услуга: Ноќевање во хотел Хемус *** по враќање од патувањето (цена на турист за сместување во двокреветна соба) | €20 |
Специјална услуга: Ноќевање во хотел Хемус *** по враќање од патувањето (цена на турист за сместување во еднокреветна соба) | €33 |
Чекиран багаж до 10 кг (во двете насоки) | €82 |
Чекиран багаж до 20 кг (во двете насоки) | €107 |