Дубаи - град бајка, град мечта!

 Поаѓање од аеродромот во Софија во 14:00 ч., Терминал 1 со лет на авиокомпанија "Wizz Air". Пристигнување на аеродром Ал Мактум Дубаи во 19.50 часот. Пречек од претставник на агенцијата. Трансфер до хотелот во Дубаи (околу 50 мин, во зависност од сообраќајот). Сместување во хотел "Hilton Garden Inn Dubai Mall of the Еmirates" **** (или сличен) во Дубаи. Информативен состанок со водичот во лобито на хотелот и можност за закажување на дополнителни екскурзии. Пешачка прошетка во новиот кварт Ал Барша за ориентација на туристите, со посета на Emirates Mall - вториот по големина трговски центар во светот, познат по ски патеката, менување на валута и можност за вечера. Ноќевање.

07:00 - 10: 30ч. Појадок.

09: 00ч. - 13: 30ч. Панорамски разглед на Дубаи (вклучено во цената). За време на турата ќе се запознаете со богатите и разновидни традиции на Дубаи - историјата на Емиратот, новите проекти, како и со интересни факти од животот на локалното население, ќе ги почувствувате древното и модерното во овој рај насред пустината. Туристичката програма ги опфаќа стариот и новиот дел на градот. Ќе започнеме со еден од мегапроектите на емиратот, кој се наоѓа во новиот дел на градот - комплексот "Dubai Marina" со марина и облакодери, во кои има станови, канцеларии и хотели. Ќе продолжиме кон вештачкиот остров во форма на палма, каде се наоѓа импресивниот 5*-хотел "Атлантис". Ќе се движиме по "стеблото" на Џумеира - првиот од трите вештачки острови во форма на палма. Се разбира, нема да го пропуштиме и препознатливиот 7*-хотел "Бурџ ал Араб", изграден во форма на бродско платно внатре во морето. Ќе го посетиме стариот дел на градот Деира каде се наоѓа најголемиот пазар за злато, накит, ткаенини и зачини. Екскурзијата ќе заврши во трговскиот центар "Dubai Mall", од каде што може да се качите до највисоката зграда во светот – облакодерот "Бурџ Калифа" (дополнително се нуди резервација), да го посетите луксузниот пазар "Al Bahar Souk" или аквариумот "Dubai Aquarium & Underwater Zoo ". 

2. 13: 30 ч. - 15: 30ч. Билет за видиковецот на 124-от кат на Бурџ Калифа, Дубаи Мол и Танцувачките фонтани. Видиковецот "At The Top" се наоѓа на 124-от кат на облакодер "Бурџ Калифа" и нуди неверојатна панорама кон градот. Картите се купуваат однапред за точен ден и час. Билетот вклучува превоз со експресен лифт до 124-от кат и неограничено време за престој на локацијата. (На самото место е можно купување на билети по двојно повисока цена). Можност да ги посетите Танцувачките или Распеани фонтани кои се наоѓаат во езерото Бурџ Калифа , кое што има површина од 30 акри. Висината на водниот млаз достигнува до 150 метри, а должината на целата конструкција е 275 метри. Над 6600 светла и 25 рефлектори во боја создаваат уникатен визуелен спектакл. Часови на претстави: секои 30 минути од 18:00 ч. до 23:00 часот.

Слободно време и по избор организирано враќање во хотелот со Dubai Metro (oколу 30 мин., билетите се купуваат на лице место-околу 7-8 AED или 2-3 USD или по желба самостојно враќање со такси 20-25мин (ке ве чини околу 40-45 AED или 12-15 $).

07: 00ч. - 10: 30ч. Појадок. Слободно време или туристичка програма по желба:

1. 09: 00ч. - 12: 00ч. Посета на Магичните градини / "Dubai Miracle Garden" на Дубаи, кои ќе ве опијат со својата убавина и разновидност. Градините се впишани во книгата на Гинис за најдолг ѕид од цвеќиња. Тука ќе имате можност да видите на едно место повеќе од 45 милиони цвеќиња. Ќе имате и слободно време за прошетка меѓу колоритните композиции, за кафе и фотографирање.

2. 15.30 ч. - 21.30 ч. Сафари во пустината со вечера на скара – едно авантуристичко патување, исполнето со незаборавна емоција во легендарната Арапска пустина. Ќе тргнете од вашиот хотел со џип Toyota Landcruiser кон внатрешноста на пустината минувајки низ песочните дуни. Ќе пристигнете во бедуински камп, каде ќе имате можност да пробате традиционални активности како јавање камили, цртање на рацете со к’на и пушење на наргиле. Залезот на сонцето, што фрла портокалова светлина врз песокот, ќе ви обезбеди незаборавен поглед и можност за романтични слики. Вечерта ќе заврши со вкусна вечера на скара под волшебното пустинско небо, со звуците на арапска музика и традиционални танци. Вечерата е на шведска маса со обилни салати, јадења, десерти и безалкохолни пијалоци (пивото и алкохолните пијалоци се плаќаат). Вечерта враќање назад во хотелот. Ноќевање.

07:00 - 10: 30ч. Појадок. Слободен ден или туристичка програма по желба:

1. 09:00 - 13: 00ч. Полудневна екскурзија до Шарџа и Аџман. Шарџа e културна престолнина на ОАЕ, a Аџман e најмалиот од 7-те Емирати. За време на оваа тура ќе имате можност да уживате во традиционална арапска култура. Ќе дознаете повеќе за исламската цивилизација со посетата на етнографскиот музеј во Аџман. Продолжувајќи кон Шарџа ќе запреме за фото-пауза пред прекрасни глетки кон плажата и пред една од малкуте православни цркви на Арапскиот полуостровот - Руската Црква. Ќе го посетите традиционалниот пазар во Шарџа "Blue Souk" за злато, сребро, теписи, зачини и сувенири . Враќање назад во хотелот.

2. 13: 30ч. - 15: 30ч. Ручек во хотел "Бурж Ал Араб". Посетете го најлуксузниот хотел во светот, еден од симболите на Дубаи и една од најпознатите и фотографирани згради. За ентериерот на зградата се употребени 840 кг. 22-каратно злато, а на врвот на хотелот има хелиодром. Ручекот е шведска маса во ресторан "Al Iwan" со традиционална кујна во гурмански стил (пијалоците не се вклучени во цената). Бидете формално облечени.

3. 18: 45ч. - 22: 30ч. Крстарење со романтична вечера на арапска галија по Дубаи крик (19.00 ч. - 22.30 ч.) Ние ви нудиме една романтична вечер на арапска галија ( со продолжение од два часа). За време на крстарењето ќе уживате во неверојатно убавата панорама на стариот дел на Дубаи -Деира и Бур Дубаи , ориентални танци и арапска гостопримливост! Вечерата е шведска маса, изобилна храна со различни десерти, риба и месни јадења од арапската и интернационална кујна. Цената вклучува: трансфер од хотелот до галијата и назад, вечера и безалкохолни пијалоци. Ноќевање.

07:00 ч. - 10:30. Појадок. Слободно време или туристичка програма по желба:

Еднодневна тура до Абу Даби (од 09: 00ч. До 19: 00ч.): често споменуван и како "Менхетн на Блискиот Исток". Абу Даби нуди огромен избор на современа и арапска архитектура. Тука ќе уживате во бројни импресивни глетки, вклучувајќи ги Етнографската населба, светски познатиот хотел "Емирејт Палас" и прекрасниот регион Корниш, кој нуди прекрасен поглед на хоризонтот на градот и вештачкиот остров - зеленото срце на градот. Екскурзијата продолжува покрај претседателската палата, прекрасните паркови, ќе ја видите исто така патеката за Формула 1 (од панорамски автобус) и ќе ја посетите продавницата за сувенири на Ferrari World. Следува посета на импресивната џамија "Шеик Зајед" (мин. 1час и 30 мин. со водич на бугарски) - најголемата во ОАЕ и една од најголемите во светот. Во џамијата има строги правила за облека: мажи - долги панталони, маици или кошули со кратки / долги ракави; жени - долги панталони или долги здолништа до глуждовите, блузи или кошули со кратки / долги ракави, шамија за глава. Не е дозволена тесна облека, што го оцртува телото или прозирна облека. Посета на Етнографската населба , која ќе не запознае со животот на локалното население пред откривањето на нафтата. Слободно време. Заминување за хотелот во Дубаи. Ноќевање.

07:00 ч. - 10:30. Појадок. Слободно време или туристичка програма по желба:

Целодневна екскурзија "Оаза Ал Еин" со вклучен билет за Al Ain Zoo, за време на која ќе се запознаете со традиционалниот начин на живот во пустината. Ал Еин е четврт по број на населението град во Обединетите Арапски Емирати и единствениот голем град, кој се наоѓа во внатрешноста на земјата. Меѓу знаменитостите на градот е сочувана природна оаза со шума од феникс палми, најголемата зоолошка градина во Блискот Исток, поранешната палата на шеикот, претворена во музеј, историски тврдини, како и бројни паркови, градини, вклучувајќи ја и планината Џебел-Хафит од која се открива прекрасен поглед кон градот. Ќе ги видите најжешките минерални извори, кои извираат во подножјето на планината. Заминување назад за Абу Даби во доцните попладневни часови. Ноќевање.

07:00 ч. - 10:30. Појадок. Слободно време или туристичка програма по желба:

Посета на забавен парк "Светот на Ферари" во Абу Даби со вклучен билет General Admission - единствениот од ваков вид тематски парк на "Ферари" во светот. Тој нуди забава за сите возрасти и ја раскажува на возбудлив начин историјата на Ферари преку повеќе од 20 едукативни тури и атракции, продавници и автентична италијанска кујна. Под огромниот црвен покрив се наоѓаат следните атракции: "Формула Росса" – најбрзиот воз во забавен парк во светот што достигнува брзина од 240 км / ч; Галерија "Ферари" - најголемиот изложбен салон на "Ферари" во светот надвор од Моранело, со интерактивен екран, кој ги покажува моделите на Ферари од 1947 година до денес; "Брзината на Магијата" – фантастично 4D искуство во длабоки зелени џунгли, ледени пештери и потоци, се до кратерот на огнениот вулкан. Трансфер назад во Дубаи. Ноќевање.

Појадок. Напуштање на собите во хотелот. Слободно време. Трансфер до аеродромот во 16:15 ч. Лет за Бугарија во 20.30 ч. со полет на авиокомпанија "Wizz Air". Слетување на аеродромот во Софија, Терминал 1 во 00.55 ч. локално време.