Грузија - кавкаска бајка

Заминување во 10:00 часот од аеродром Софија (Терминал 2) за Истанбул со лет на „Turkish Airlines“. Пристигнување во Истанбул во 11:25 ч. Поаѓање за Тбилиси во 13:10 со лет на „Turkish Airlines“. Пристигнување на аеродромот Тбилиси во 16:25 ч. Трансфер до хотелот. Сместување. Вечера. Ноќевање во Тбилиси.

Појадок. Туристичка програма во Тбилиси и запознавање со архитектонското наследство на градот: црквата "Метехи" (од 13 в.), изградена на еден рид над реката Мкхвари; Синагогата и Црквата на Анчехати - најстарата црква во Тбилиси. На брегот на реката е една од најпознатите знаменитости во стариот град - катедралата Сиони, изградена во 6 век. Денес, најважната религиозна реликва во Грузија е зачувана тука - крстот на светa Нино, која го донела христијанството во Грузија. Качување со лифт до тврдината Нарикала, каде можете да уживате во импресивна панорама на главниот град. Во продолжение на 15 века тврдината имала одбрамбении функции. Посета на Националниот музеј на Грузија. Слободно време. Ноќевање во Тбилиси.

Појадок. Поаѓање кон Мхета - антички главен град на Кавкаска Иберија кој денес е под заштита на УНЕСКО. Тука се наоѓаат многу свети споменици и многу споменици на културата во Грузија, па така градот се нарекува и "втор Ерусалим". Туристичка програма во Мхета: Катедралата Свитоцховели, изградена на местото каде што се наоѓал Христовиот хитон; манастирот Џвари, кој се наоѓа на вертикална карпа над Мхета. Манастирот датира од 5 век и се смета за едно од најсветите места во Кавказ. Денес тој е дел од Светското наследство на УНЕСКО. Поаѓање кон Казбеги, главниот град на Хвеј. Хвеј е грузиска историска географска област лоцирана на северните падини на планинскиот венец на Големиот Кавказ. Овој регион отсекогаш имал стратешко значење и го контролирал северниот пат, поради што биле изградени многу заштитни замоци и кули, голем дел од кои постојат и денес. Искачување со џип до ридот во близина на селото Гергети каде се наоѓа црквата "Света Троица" од 14 в. Црквата е изградена на 2170 метри надморска височина, од каде може да се види еден од највисоките глечери во Кавказ - врв Казбек (5047 м ). Поаѓање кон Гудаури. Сместување. Вечера. Ноќевање во Гудаури.

Појадок. Поаѓање за Гори. Попатна посета на тврдината "Ананури" - голема и добро сочувана тврдина, вклучена во списокот на УНЕСКО и се наоѓа на некогашниот грузиски воен пат, кој поминува низ главниот кавкаски срт и ги поврзува Тбилиси со Владикавказ. Тврдината се издига на 794 метри надморска височина и е главно одбранбено утврден објект на локалните владетели. Пристигнување во Гори - родното место на Јосиф Сталин. Фотопауза за Музејот на Јосиф Сталин. Можност за индивидуална посета на музејот на Сталин (не е вклучен во цената). Заминување за Уплисцихе – антички карпест град во источниот дел на Грузија, чие име се преведува како "Божја тврдина". Градот еволуирал на високиот и карпестиот брег на реката Мтквари. Се одликува со својата уникатна комбинација од различни пагански и христијански архитектонски објекти кои датираат од доцната бронзена ера до доцен среден век. Заминување за историскиот регион Месхетија за посета на тврдината "Рабат" - средновековна тврдина од 13 в., лоцирана во Ахалцихe. Сместување во Ахалцихе. Вечера. Ноќевање во Ахалцихе.

Појадок. Заминување за Варѕија - антички пештерски манастирски комплекс и град од 12 в., Важен споменик на грузиската архитектонска уметност, се наоѓа во радиус над половина километар по течението на реката Мтквари. Црквата, издлабена во карпите има прекрасни фрески од 12 в. Комплексот вклучува и станбени објекти, мали карпести цркви, винарии, и т.н. Посета на тврдината "Хертвиси" од 10 в., сместена на висок карпест рид, во историскиот регион Месхетија. Тврдината е еден од најзначајните споменици на средновековна Грузија и една од најстарите во земјата. Заминување за област Имерети. Попатна посета на парк Боржоми. Сместување. Вечера. Ноќевање во Цхалтубо/Кутаиси.

Појадок. Посета на Гелатскиот манастир - средновековен манастирски комплекс изграден во 12 в. од цар Давид IV Градителот, признато ремек дело од времето на Грузиската златна ера кое денес е под заштита на УНЕСКО. Посета на пештерата Прометеј - една од најпопуларните туристички пештери во Европа. Поаѓање за Тбилиси. Сместување. Вечера. Ноќевање во Тбилиси.

Појадок. Поаѓање за Кахтија - винскиот регион на Грузија. Пауза во Бодбе - свето место каде по посетата ви се исполнуваат желбите. Тука се наоѓа женскиот манастир со базилика посветена на света Нино, која го донела христијанството на грузиска земја и чии мошти се чуваат овде. Првично изграден во 9 век., комплексот е значително променет во 17век. Заминување за Сигнахи - "Градот на љубовта", изграден во класичен стил од јужна Италија и познат по истоимениот замок од 18 век., вклучен во листата на најголемите и нај познати замоци во Грузија. Можност да посетите локална винарија и дегустација на различни видови вино. Враќање во хотелот. Ноќевање во Тбилиси.

 Појадок. Трансфер до аеродромот Тбилиси. Заминување во 10.40 за Истанбул со лет на „Turkish Airlines". Пристигнување во Истанбул во 12.05 Поаѓање за Бугарија во 13.50 ч. со лет на „Turkish Airlines“. Пристигнување на аеродром Софија (Терминал 2) во 15:10 ч.