Сплит, Хрватска
Сплит е град, расположен на јадранското крајбрежје. На ова место на крајот на III век римскиот импеатор Диоклецијан, роден во мало село во ридовите околу денешниот град, решава да изгради своја летна резиденција. Сплит е прекрасен град со тесни улички и мали плоштади во венецијански стил, наоколу има пријатни кафичи, ресторанти, сликарски галерии и антикварници. Јадрото на градот е оформено околу некогашниот дворец на Диоклецијан, каде можат да се видат императорскиот музолеј - кој денес е катедрала и храмот на Јупитер. Прекрасни глетки се откриваат од крајбрежната улица на Сплит - градската Рива, што води кон зелените шуми на ридот Марјан.
