Кенија
Разломната долина е природен геолошки феномен, предизвикан од истенчувањето на земјината кора, проследено од вулканска дејност. Се наоѓа западно од планината Кенија, во кениската високопланинска земја.
На некои места овој природен феномен достигнува ширина до 100 километри, а во најтесната точка - во северните предели кон Најроби, е едвај 45 километри. Надморската височина на долината е најмала во областа на езерото Туркана, каде се слева со околниот пустински предел. Во јужните делови падините се издигнуваат во карпи, кои достигнуваат до Езерото Наиваша со височина од 1900 метри. Натаму се гледа опаѓање на надморската височиа, која при границата со Танзанија достигнува 580 метри.
Во Разломната долина денес има 30 активни и од време на време активни вулкани, како и безброј врели минерални извори. Оваа поредица од врели извори и езера ги вклучува расположените на северозапад од Најроби езера - Баринго, Богорија, Накуру, Елементајта, Најваша и езерото Магади, кое се наоѓа на југ. Овие езера се уникатни со хемискиот состав на водите, кои содржат висока концентрација на натриум карбонат, предизвикани од силно главниот карактер на обиколните вулкански карпи. Богатите води со натриум карбонат се идеална средина за исхранување на најразлични алги, со кои се хранат неколку видови на риби, меѓу кои најмногу тилапијата. Овие услови привлекуваат милиони птици, кои се радуваат на богатите залихи од храна во езерата.
