Лече, Италија
Лече е древен град со историја од над 2000 години, расположен на Салентискиот полуостров, кој е дел од ''петицата на багажникот''. Овој историски град со над 93 000 жители, денес е административен центар на провинција Лече во регион Пулија. Благодарение на зачуваната барокна архитектура, градот е наречен ''Јужната Фиренца''. Неговиот шарм се надополнува и од богатото минато и присуството на различни култури, како древни грци, месапи, критјани. Во малите градчиња околу Лече, дури и денес се зборува на дијалект, наречен грико. Современиот развиток на Лече, првенствено е поврзан со варовникот, кој се добива и изнесува, со земјоделство, со традиционалното производтсво на зејтин и разнообразни вина, како и со керамички производи.
Легендата го поврзува постоењето на градот уште од времето на Тројанската војна, под името Сибар. Забележителностите, кои ги привлекуваат туристите, ги претставуваат сите периоди од историјата на градот.
Римскиот амфитеатар во центарот на Лече е изграден во 2 век и имал капацитет за повеќе од 25 000 гледачи. За жал амфитеатарот бил скоро целосно разрушен поради изградбите над него низ различни периоди. Денес објектот е раскопан и се користи за религиозни и уметнички настани.
Во центарот е изложена и колоната од статуата на Св. Оронзо, заштитник на Лече, која долго време о означувала патот од Рим до Јужна Италија во Бриндизи.
