Кина
Гуанџоу е голем град во Југоисточна Кина со население од над 11 милиони жители и е третиот по големина град во државата. Познат е и со британското име - Кантон. Метрополата е расположена на левиот брег на река Џу Ѕјан (Бисерна река) во провинцијата Гуандун и на 120 км. северозападно од Хонг Конг.
Историјата на градот започнува со завладувањето на Кина за време на динсатијата Цин во III в. п. н.е. Минал низ различни епохи и владетели, денес Гуанџоу е модерен азиски град со развиена индустрија, култура и туризам.
Во градот има голем број зачувани споменици, кои ја одразуваат илјада годишната кинеска историја. Најинтересните забележителности во Гуанџоу се расположени по течението на Бисерната река - Концертната сала, Војната академија, историското село Шамијан со многубројните згради во различни архитектурни стилови, како и различни храмови и дворци. Емблематични за градот се и Меморијалниот споменик Сон Јат-сен, Зоолошката градина и аквариумот, ботаничката градина и други.
Блиску до Гуанџоу се наоѓа планината Бај Јун Шан, која е густо населена и е многу погодна за туризам. Остров Хајнан во близина на метрополата исто така е многу посетувана туристичка дестинација, поради целогодишното сонце и прекрасната природа.
Два пати во годината во градот се одржува најголемата кинеска трговска и индустриска изложба, на која присуствуваат илјадници фирми од цел свет.
