Тунис
Длабоко во клисурите на карпестите кањони на Јужен Тунис се движи возот наречен ''Црвениот гуштер''. Овој ретро воз ги вози патниците на авантуристичко патување, кое се движи по природен пат, издлабен од клисурата на Селџа во подножјето на Атласките Планини. Железничката маршрута на патниците им открива неверојатна глетка кон прекрасните кањони и пејсажи на централните туниски пустини, преминувајќи низ планинските тунели, над челични мостови, во близина на природни извори и зелени оази.
Оригиналниот воз е изграден во Франција во 19 век. Со текот на годините бил користен во главниот град Тунис за транспорт околу заливот. По независноста на Тунис во 1956 г. е напуштен, а во 1984 г. е обновен од национална железничка компанија.
Патничкиот воз се состои од шест вагони, едниот од кој е за освежување. Туристите сами можат да се движат слободно за време на патувањето. Целосната прошетка трае од еден час до час и половина, каде се разбира дека има планирани паузи за фотографирање. Патувањето со овој воз е единствениот начин да се посетат клисурите на Селџа и неверојатна можност да се разгледаат грандиозните црвени и розови карпести кањони на југ.
