Наjдоброто од Јордан - 5 ноќевања , кружна тура со чартер лет од Софиja!

Поаѓање од аеродромот во Софија за Акаба со директен лет. Пристигнување на аеродромот во Акаба. Пречек од претставник на агенцијата партнер. Трансфер до хотел. Сместување. Слободно време за плажа или по желба: прошетка со брод до јужната плажа со можност за нуркање меѓу познатите корални гребени и вклучен ручек на бродот (со времетраење околу 4 часа). Враќање во хотелот. Вечера. Ноќевање. (Авиокомпанијата го задржува правото да направи промени во распоредот на летови!)

Појадок. Слободно време во Акаба. Напладне поаѓање за пустината Вади Рум, позната како Месечева Долина - пространо место со романтичен дух и совршена убавина. Вади Рум денес е позната највеќе по името на британскиот офицер Томас Лоренс, попознат како Лоренс од Арабија, кој поминал оттука за време на арапскиот бунт против Отоманската империја. Оваа полупустинска долина е заштитен природен резерват, познат по своите импресивни пејзажи со црвени песоци и дини, бизарни карпести формации и огромни камени ѕидови. Не случајно овој неземен пејзаж на Вади Рум послужил како сет за голем број холивудски продукции, од кои најпознати се седумкратниот оскаровец "Лоренс од Арабија", "Црвената планета", "Марсовецот" и многу други. Екскурзијата вклучува сафари (околу 2 часа) во магичната пустина Вади Рум. Сместување во камп во пустината Вади Рум. Вечера. Ноќевање.

Појадок. Поаѓање за целодневна екскурзија со локален водич до Петра - уникатен град врежан во карпите, свет град на Набатејците, кои се населиле овде пред повеќе од 2000 години, го претвориле во центар на сите трговски патишта што ги поврзуваат Истокот и Западот. Избрана како едно од седумте нови светски чуда, Петра е несомнено еден од најимпресивните и најбогатите архитектонски комплекси, вклучен во списокот на светско наследство на УНЕСКО. Посетата на Петра започнува со прошетка низ преминот Сики, тесна, засенчена клисура помеѓу две надвиснати карпи. На крајот од овој премин се открива неверојатен и магичен поглед низ јазот - ризницата „Ал Хазне“, кралска гробница на Набатејците во класичен грчки стил, издлабена на огромниот фронт на карпа долга 39 метри. Ова е најдобро зачуваната фасада во Петра и се смета за ремек-дело на набатејската цивилизација.. Од ризницата започнува главниот пат кој постепено ќе ги открива мистериите на овој древен град - таканаречената „Улица на фасадите“, Амфитеатарот - единствениот во светот издлабен во карпа, кралските гробници и Набатејскиот храм. Над комплексот се издига манастирот „Ад Деир“, до кој се стигнува по 800 скалила. Попладне поаѓање за главниот град Аман. Сместување. Вечера. Ноќевање.

Појадок. Целодневна екскурзија до Џераш и замокот Ажлун. Посета на урнатините на Џераш кој се смета за еден од најдобро зачуваните градови од римската ера на Блискиот Исток. Поаѓање за величествениот замок Ажлун, кој е импресивна исламска одбранбена тврдина изградена во 12 век за време на крстоносните војни. Тврдината се наоѓа на висок рид од каде се отвора импресивен поглед на долината на реката Јордан. Враќање во хотелот. Вечера. Ноќевање.

Појадок. Напуштање на хотелот. Разглед на центарот на Аман со автобус: Цитаделата, Стариот пазар Сук, кралската палата и фото-пауза во џамијата Абдула. Поаѓање од Аман за целодневна екскурзија до Мадаба, планината Небо и Мртвото море: Мадаба - најневеројатниот град во земјата, познат како „градот на мозаиците“ поради неговата позната колекција на византиски и умајадски мозаици. Најпознатиот мозаик е мапата Мадаб, направена од милиони парчиња обоени камења, дело на византиски мајстори од 6 век.Се наоѓа на подот на православната црква "Свети Ѓорѓи" и е најстарата карта на Ерусалим и Светата земја. Следна станица е планината Небо, едно од најпосетуваните места во Јордан и местото каде, според легендата, Мојсеј за прв пат ја видел ветената земја. Екскурзијата продолжува кон Мртвото море – еден од најсолените водни објекти во светот со можност да нурнете во соленото езеро и да уживате во невероватниот феномен да лебдите над тиркизните води или едноставно да попливате. Попладне поаѓање кон Акаба. Сместување. Вечера. Ноќевање.

Појадок. Слободно време. Трансфер до аеродром. Поаѓање за Бугарија со директен лет. Пристигнување на аеродромот во Софија. (Авиокомпанијата го задржува правото да направи промени во распоредот на летови!)