Богатства на Франција - Париз, Нормандија, Бретања и Долината на Лоара

Поаѓање од аеродромот во Софија со лет на авиокомпанијата "Wizz Air" или "Ryanair" за Париз. Пристигнување на аеродромот Бове. Поаѓање за Руан. Сместување во реонот на Руан во вечерните часови. Ноќевање.

Појадок. Пешачка прошетка во стариот град на Руан: катедралниот плоштад со катедралата "Св. Богородица" во готски стил - една од најголемите и величествени катедрали во Франција; Судската палата - ремек-дело на готската уметност; плоштадот "Вјо Марше" - местото каде Јованка Орлеанка била изгорена на клада во 1431 год. Поаѓање за Онфлер – шармантно градче, изградено првично со трговска цел, денес е познато по своето старо и исклучително живописно пристаниште, сместено во јужниот дел на устието на реката Сена. Слободно време. Поаѓање за Каен. Пешачка прошетка во центарот на градот: Замокот на Каен, плоштадот "Сен Пиер" со споменикот на Јованка Орлеанка и црквата "Сент Етиен". Сместување во реонот на Каен во вечерните часови. Ноќевање.

Појадок. Посета на Мон Сен-Мишел - француска опатија посветена на Архангел Михаил, чија величествена статуа е подигната на врвот на црквата. Денес, опатијата е свето место за поклонување во христијанскиот свет, заедно со Ерусалим и Рим. Поаѓање кон Сен Мало - прекрасно сместен на поранешен остров, сега поврзан со копното со широкото устие на реката Ранс. Со своите стари тврдини, Сен Мало го зачувал својот амбиент на средновековен крајбрежен град. Пешачка прошетка во центарот на градот. Сместување во реонот на Сен Мало / Рен / Лавал. Ноќевање.

Појадок. Поаѓање за долината на реката Лоара. Посета на замокот „Шенонсо“ – един от најромантичните замоци, живописно зачекорил на двата брега на реката Шер, изграден на крајот од 15 век. Посета на замокот „Амбоаз“ – импресивен замок на брегот на реката Лоара каде што се криела Катерина Медичи за време на Религиозните војни. Можност за посета на средновековниот замок „Кло Лусе“ – дом музеј на Леонардо да Винчи, каде што големиот италијански уметник ги поминува последните години од животот. Можност за посета на замокот Гајар-Амбоаз, создаден од кралот Карл VIII на крајот на 15 век и сместен меѓу 15 хектари градини, во кои се засадени првите портокалови дрва во Франција. Сместување во реонот на Орлеан. Ноќевање.

Појадок. Пешачка прошетка во Орлеан, нарекуван уште и "градот на Јованка Орлеанка" - тивок и мирен град, кој се наоѓа во еден голем свиок на реката Лоара: катедралата "Свети Крст", сместена во срцето на градот, изградена во готски стил; куќата на Јованка Орлеанка, во која таа поминува десет дена во 1429 година, по поразот на Британците и кревање на опсадата на Орлеанс. Отел Гроло - најубавата ренесансна зграда во градот. Слободно време. Заминување за Париз. Панорамска обиколка со водич на бугарски јазик: Париската "Света Богородица" - едно од најпознатите и прекрасни достигнувања на готската архитектура; Латинскиот кварт и Сорбона; Пантеонот, претворен во мавзолеј за "Големиот народ на ерата на Француската револуција"; Домот на лицата со хендикеп; Луксембуршката градина со палатата, каде што сега е сместен Сенатот; плоштадот "Конкорд", на кој што за прв пат е издигната гилотината; црквата "Сент Мари-Мадлен", позната по името "Мадлената", изградена во стил на грчки храм; Гранд Опера; плоштадот "Вандом"; булеварот "Шан-з-Елизе"; Триумфалната порта; плоштадот "Трокадеро" и Ајфеловата кула. Сместување. Ноќевање.

Појадок. Слободно време во Париз или туристичка програма по желба (неопходно е користење на градски превоз):

1. Пешачка прошетка низ историскиот кварт "Маре" - богата населба со архитектура од 17 век - плоштадот "Бастилја" со зградата на Бастилската опера и Јулската колона, пристаништето л'Арсенал; Плоштадот "Вож" - најстариот кралски плоштад во Париз, каде што се наоѓа резиденцијата на Виктор Иго; Еврејската улица. Прошетка низ живите улици со колоритни бутици и пријатни ресторани и кафулиња.

2. Прошетка со панорамско бродче по Сена околу историските острови Ла Сите, на кој што е основан Париз во 3 век пр. Хр., и Сен Луи – помалиот од двата острова, создавајќи речиси провинциска атмосфера и мирно место за прошетка.

3. Индивидуална посета на Лувр – најголемиот музеј на уметностите во Европа, чија што најпозната творба без сомнение е "Мона Лиза" на Леонардо да Винчи. 

Ноќевање.

Појадок. Слободно време во Париз или туристичка програма по желба (неопходно е користење на градски превоз):

Наутро: Полудневна екскурзија до замокот "Версај" – палатата на Кралот Луј XIV : Големите апартмани и огледалната сала. Прошетка во градините на замокот (при соодветни метеоролошки услови). Враќање во Париз.

Попладне: Пешачка прошетка низ боемскиот кварт "Монмартр" (неопходно е користење на градски превоз) - дом на уметници, поети и писатели со исклучително убава архитектура - ридот Монмартр со базиликата "Сакре Кер", плоштадот на уметниците „Тертр“, кабарето "Мулен Руж", Ѕидот на љубовта. Прошетка низ живописните улици на населбата, исполнети со раскошни продавници и мали ресторани со лежерна атмосфера. Слободно време во Париз.

Вечер: Индивидуална посета на кабарето "Мулен Руж". Претставата започнува во 21:00 ч. или 23:00 ч. со времетраење од 2 часа и потребно е да се почитува дрес кодот.

Ноќевање.

Појадок. Поаѓање за Живерни – мало нормандско градче, кое што придобива светска слава од како Клод Моне таму ги создава своите најголеми дела. Живерни е исто така познат и по прекарот "земја на уметници". Клод Моне оди да живее во Живерни во 1883 г. Много луѓе на уметноста и главно голем круг на американски уметници и приврзаници на импресионизмот се упатуваат кон Живерни. Така, постепено се појавува нова тенденција во уметноста, односно мешање на принципите на импресионизмот со убавината на автентичните нормандски пејсажи. Можност за посета на музејот на импресионизмот или куќата на Клод Моне и градините. Трансфер до аеродромот Бове. Поаѓање за Бугарија со лет на авиокомпанијата "Wizz Air" или "Ryanair". Пристигнување на аеродромот во Софија.