Шпанија - Кастиља и Андалузија

Поаѓање во 07:25 ч. од Терминал 2 на аеродромот во Софија со лет на авиокомпанијата "Ryan Air" за Мадрид. Пристигнување на аеродромот во Мадрид во 10:10 ч. Туристичка програма во Мадрид : Кралскиот дворец, изграден за време на владеењето на Фелипе V; Плоштадот “Ориенте” - омилено место за жителите и гостите на Мадрид; плоштадот "Шпанија" со споменикот на големиот писател Мигел де Сервантес и статуата на Дон Кихот и Санчо Панса; “Гран Виа” - најпознатата улица во градот; плоштадот “Ла Сибелес” со фонтана посветенa на божицата на плодноста; Музејот “Прадо”; “Плаза Мајор” - срцето на градот; “Пуерта дел Сол” со “нулта километар” на Кралството Шпанија и симболот на Мадрид - Статуата на мечката и дрвото Мадроњо. Трансфер до хотелот. Сместување (по 14.00 ч.). Слободно време (неопходно е користење на градски транспорт). Ноќевање.

Појадок. Поаѓање за Толедо - неверојатна мешавина на христијанска, мавританска и еврејска култура. Можност за посета на готската катедрала од 13 век и Црквата “Санто Томе” со ремек-делото на Ел Греко "Погреб на грофот Oргас". Поаѓање за Гранада. Сместување во реонот на Гранада во вечерните часови. По желба фламенко шоу во пештерите на Сакрамонте со влкучен еден пијалок и трансфер од и до хотелот. Ноќевање.

Појадок. Пешачка прошетка во историскиот центар на Гранада – најтемпераментниот шпански град, сметен во подножјето на Сиера Невада. Можност за посета на "Аламбра"- средновеконата резиденција на маврите и импресивен комплекс од споменици со палати на династијата Насриди и фантастични дворови, арки, фонтани и градините Хенералифе, со локален водич (За да можете да учествувате во оваа дополнителна услуга, поради ограничувањето на максималниот број на учесници, потребно е однапред да ја побарате услугата при потпишување на договорот). Поаѓање за Монтиља. Кратка пешачка прошетка во Монтиља. Слободно време или туристичка програма по желба: посета на винарија со дегустација на популарното вино од винарската област Монтиља - Морилес. Поаѓање за Кордоба – поранешен главен град (8 - 13 век) на Ал Андалус,маврската држава на Пиринејскиот полуостров, град сместен на брегот на реката Гвадалкивир, со вистинска шпанска атмосфера. Сместување во реонот на Кордоба. Ноќевање.

Појадок. Пешачка прошетка во историскиот центар на градот: Катедралата "Мескита де Кордоба", изградена во времето на маврите како втора по големина во светот џамија после таа во Мека, и преуредена во католичка црква во 13 век, денес е катедрален храм на архиепископот на Кордоба; тврдината„Алкасар“, од каде што е раководена реконквистата на Гранада; римскиот мост и мавриската одбранбена кула „Калаора“. Поаѓање за Кармона. Пешачка прошетка во Кармона. Поаѓање за Севиља. Сместување во реонот на Севиља. Ноќевање.

Појадок. Туристичка програма во Севиља - уникатен град, главен град на Андалузија, со монументални архитектонски и историски споменици: плоштад "Шпанија" – полукружен комплекс, оформен на местото каде што во 1781 год. последната вештерка била запалена на клада; Парк “Марија Луиза”; Златната кула - одбранбена кула со 12 страни од 13 век; зграда на стоковната берза; во која денес се чува архивата поврзана со отворањето и колонизацијата на Америка, како и дневникот на Кристофер Колумбо и картата на светот на Хуан де ла Коса; Палатата “Алкасар де Севиља” - еден од најдобро зачуваните примери на стилот Мудехар, омиленото место на шпанското кралско семејство; Катедралата со гробот на Кристофер Колумбо, кој според последните мерења е најголемата во светот готска катедрала и кулата "Хиралда", која за време на владеењето на Маврите била примарното минаре на главната џамија. Слободно време.

Појадок. Поаѓање за Ронда – древно село, во кое што свој белег оставиле феникијците, картагенците, римјаните и муслиманите. Градот е сместен на рид, пресечен од кањонот на реката Гуадалевин, од каде што живописно надѕиркуваат куќите. Овој романтичен град го има привлечено вниманието на многу поети и писатели од XIX и XX век како Вашингтон Ирвинг, Проспер Мериме, Форд и Доре, а една од историите за градот го инспирира Хемингвеј да ја напише книгата "За кого бијат камбаните ". Пешачка прошетка во стариот дел на градот: најстарата арена за борба со бикови „Пласа де торос“, изградена во 18век, новиот и арапскиот мост над кањонот, Музејот на виното, во кој ќе имате можност да дегуститирате типични андалузииски вина и ликери. Слободно време. Поаѓање за Марбеља. Пешачка прошетка: Портокаловиот плоштад со прекрасната црква „Христос на љубовта”. Слободно време за посета на бутици, ботаничката градина со 10-те светски познати статуи на Салвадор Дали. Поаѓање за Малага. Сместување во реонот на Малага во вечерните часови. Ноќевање.

Појадок. Туристичка програма во Малага – родното место на познатиот уметник Пабло Пикасо, град исполнет со шарм, атрактивен и космополитски, полн со широки булевари, високи палми, жив ноќен живот, богат со историси споменици, музеи и ресторани. Пешачка прошетка во историсиот центар на Малага, кој изобилува од мали атрактивни улици и шармантни плоштадчиња. Трансфер до аеродромот на Малага. Поаѓање во 17:30 ч. за Бугарија со лет на авиокомпанијата „Wizz Air“. Пристигнување на аеродромот во Софија (Терминал 1) во 22:00 ч.