Хотел „Cavanna“ 4*, Ла Манга дел Мар Менор
(www.izanhoteles.es)
Локација: Хотелот се наоѓа на самата плажа, која го одделува Средоземното Море и лагуната Мар Менор.
Во соба: клима уред, телевизор, минибар и сеф (доплата), купатило со туш / када, фен, бесплатен Wi-Fi пристап, балкон.
Во хотелот: ресторан, бар, снек-бар, отворен и затворен базен (со доплата - 3 евра на ден), чадори, лежалки (со доплата - 1 евро на ден) и крпи на базенот (со депозит- 10 евра, секоја смена- доплата 1 евро), сончева тераса , градина, соба за игри, тениско игралиште, пинг понг, билијард, велнес центар, игралиште, анимација, просторија за складирање, велосипеди за изнајмување, пеглање и перење, бесплатен Wi-Fi пристап во целиот хотел, продавници.
Плажа: чадори и лежалки со доплата (ориентациона цена: 5/7 евра дневно за чадор или лежалка)
1 | ||
Поаѓање од аеродромот во Софија со директен лет на авиокомпанијата "Wizz Air". Слетување на аеродромот во Аликанте. Панорамски разглед во Аликанте (вклучен во цената). Љубителите на извонредна архитектура, богата историја и културно наследство, одлични плажи, шопинг центри и бројни други возбудувања, сигурно ќе останат фасцинирани од посетата на Аликанте: тврдината "Санта Барбара", изградена на 166 метри височина на ридот "Бенакантил"; прoшетка по крајбрежната улица "Еспланада" со препознатливата алеја од палми - симбол на морската душа на градот; катедралата со сина купола "Сан Николас"; Градското собрание на Аликанте, кое се одликува со орнаментирани елементи и интересни фасади на двете кули. Трансфер до Ла Манга дел Мар Менор (околу 1.30 ч). Сместување. Вечера. Ноќевање. | ||
2 | ||
Појадок. Информативна средба. Слободно време. Ручек. Слободно време. Вечера. Ноќевање. | ||
3 |
| |
Појадок. Слободно време. По желба полудневна екскурзија до Картагена - нурнете во историјата на античкиот град Картагена, одејќи по неговите улици, по кои во минатото минувале цивилизации како Картагенците, Римјаните и Византијците и оставиле свој белег во историјата на ова место. Заминување наутро за Картагена. Разглед на пристаништето, споменикот на хероите од Кавие, плоштадот на општината и неодамна реновираната палата. Спуштање надолу по главната улица за разгледување на "Grand Hotel" и други импресивни згради како La Casa Cervantes и зградата на казиното. На патот за Римскиот театар се поминува покрај црквата "Св. Дева Марија" - центар на Страсната седмица. Римскиот театар датира од првиот век пр. Хр. До него можат да се видат остатоци од стара катедрала, бомбандирана за време на Граѓанската војна. Потоа разгледување на "Црквата на добротворноста" со светецот патрон на градот. По желба има можност за искачување со панорамски лифт над градот (цена околу 1 евро), за да се видат прекрасните пејзажи, кои се откриваат. Враќање во хотелот. Ручек. Слободно време. Вечера. Ноќевање. | ||
4 |
| |
Појадок. Слободно време или по желба полудневна екскурзија во Мурсија - главен град на автономниот регион со истото име. Посета на најголемата знаменитост - Катедралата во Мурсија, изградена врз темелите на античка џамија, каде можат да се видат различни уметнички стилови од готски стил до неокласицизам. Разгледување на црквата "Сан Хуан де Диос", лоцирана на плоштадот во Стариот град. Црквата е дел од болничкиот комплекс во Сан Хуан де Диос, кој во минлото бил тамплиерска болница. Екскурзијата завршува со посета на музејот на Салсијо каде можат да се видат најголемите и импресивни колекции од работата на големиот барокен скулптор од Мурсија. Враќање во хотелот. Вечера. Ноќевање. | ||
5 |
| |
Појадок. Слободно време или по желба целодневна екскурзија до Лорка - градот на сонцето, на стоте штитови или на стоте имиња. Како и да го наречеме, тој дефинитивно се издвојува со мноштвото архитектонски споменици - комбинација од средновековен, ренесансен и барок стил. Од палеолит до римската ера, градот Лорка бил дом на различни култури, од кои секоја оставила свој белег во историјата на градот. Прошетката ќе не однесе до плоштадот "Шпанија" со катедралата "Свети Патрик" од 18-тиот век, Судската палата и Градското собрание. Продолжуваме кон Археолошкиот музеј, амбар од 16 век, црквата "Свети Фрањо" и палатата "Гевара"(разглед однадвор) - импресивна барокна зграда. Најимпресивен сепак е средновековниот замок на Лорка, наречен Тврдината на сонцето, кој се издига на ридот над градот. Екскурзијата до Лорка е како временска машина, која не враќа назад во историското минато преку средновековните улици, архитектонските објекти и урбаната атмосфера. Враќање во хотелот. Вечера. Ноќевање. | ||
6 | ||
Појадок. Слободно време или екскурзија по желба. Ручек. Слободно време. Вечера. Ноќевање. Полудневна екскурзија до Ла Унион. Реонот е познат уште од времето на картагинскиот генерал Ханибал и римското владеење со своите наоѓалиштата на различни метали. Посета на тематскиот парк „Parque Minero de La Union“. Поаѓање во фабриката за дестилација на познатиот „Ликер 43“, создаден по антички римски рецепт и најизвезуваниот шпански пијалок во 70-тите. Вовед во процесот на дестилација и дегустација. Враќање во хотелот. ИЛИ Полудневна екскурзија до островот Табарка. Кратко патување со автобус и пловење со мал брод (околу 30 минути) ќе ве одведат до островот Табарка - најмалиот населен остров во шпанскиот Медитеран. До крајот на XVIII век, берберски пирати го користеле како почетна точка за нивните рации кон брегот на материка, но во 1770 година, кралот Карлос III населил тука неколку генуески фамилии, што ја променило судбината на островот. Денес, Табарка е историски и морски резерват, но и заштитено подрачје за птици и место со многу ендемични видови. Најпосакувана за туристите е атмосферата на утврдениот град Сан Педро и Сан Пабло, со зачуваните тврдини и порти, главната улица "Mayor", шармантните мали ресторани и продавници. На крајот од прошетката, можете да ја пробате локалната кујна под сенката на некоја палма или да уживате на плажа на брегот. Враќање во хотелот. | ||
7 | ||
Појадок. Слободно време или по желба целодневна екскурзија до Валенсија. Туристичка програма во Валенсија - третиот по големина шпански град, кој ја зачувал хармонијата на медитеранските и шпанско-арапските традиции. Панорамска обиколка: архитектонски и културен комплекс „Град на уметностите и науките“, дело на архитектот Сантијаго Калатрава и вклучувајќи ги импресивните Л’Емисферик, Музејот на науките, операта, Л’Осеанографик (најголемиот аквариум во Европа); пешачка прошетка во историскиот центар: Арената - една од најголемите во Шпанија, централниот плоштад со Градското собрание и Историскиот музеј на градот, Берзата на свилата - ремек-дело во готски стил на Валенсија, вклучено во светското наследство на УНЕСКО, Катедралата, изградена помеѓу 1252 и 1482 г. на темелите на постара џамија; Торес де Серанос - една од зачуваните средновековни порти и зградата на владата на Валенсија. Слободно време. Враќање во хотелот. Вечера. Ноќевање. | ||
8 |
| |
Појадок. Напуштање на собите. Трансфер до аеродромот во Аликанте и лет за Бугарија со авиокомпанијата "Wizz Air". Пристигнување на аеродромот во Софија. |
Полудневна екскурзија во Картагена на бугарски јазик при минимум 20 туристи | €35 |
Полудневна екскурзија до Мурсија на бугарски јазик при минимум 20 туристи | €35 |
Полудневна екскурзија до тематски парк "Parque Minero de la Union" и фабриката за ликер "43" на бугарски јазик при минимум 20 туристи | от 11 г. | €46 |
от 2 г. до 10 г. | €35 |
Полудневна екскурзија до островот Табарка при минимум 15 туристи | от 13 г. | €46 |
от 2 г. до 12 г. | €31 |
Целодневна екскурзија до Лорка на бугарски јазик при минимум 20 туристи | €36 |
Целодневна екскурзија до Валенсија при минимум 20 туристи | от 11 г. | €66 |
от 2 г. до 10 г. | €46 |
Специјална понуда: Ноќевање во хотел "Хемус" *** по пристигнување (цена на турист при сместување во двокреветна соба) | €23 |
Специјална понуда: Ноќевање во хотел "Хемус" *** по пристигнување (цена на турист при сместување во еднокреветна соба) | €36 |
Чекиран багаж до 10 кг (во двете насоки) на турист - цената подлежи на дополнителна потврда кон моментот на побарување | €60 |
Чекиран багаж до 20 кг (во двете насоки) на турист - цената подлежи на дополнителна потврда кон моментот на побарување | €87 |
Чекиран багаж до 30 кг (во двете насоки) на турист - цената подлежи на дополнителна потврда кон моментот на побарување | €123 |
Доплата за соседни седишта за лет Софија - Аликанте - Софија (на турист) | €37 |
Priority Boarding (во двете насоки) на турист - цената подлежи на дополнителна потврда кон моментот на побарување | €40 |