Индија - златниот триаголник

Поаѓање од аеродромот во Софија во 10.05 ч. за Истанбул со лет на авиокомпанијата "Turkish Airlines". Пристигнување во Истанбул во 12.35 ч. Поаѓање во 20.50 ч. за Индија.

Пристигнување во 05.15 ч. во Делхи. Пречек на аеродромот. Заминување за Агра (235 километри, околу 3-4 часа). Сместување во хотел "Howard Plaza The Fern" **** / "Mansingh Palace" **** (или сличен) во Агра. Панорамски разглед на градот. Посета на гробницата "Таџ Махал" - едно од седумте светски чуда, изградена од Шах Џахан и завршен во 1651 г. Овој симбол на љубовта е изграден во спомен на неговата сопруга Мумтаз Махал. Се смета дека од персискиот архитект Устад Ахамад Лахоре е дизајниран овој извонреден споменик, изграден од бел мермер. Посета на тврдината на Агра - уникатна креација со исклучителна структура изградена од императорот Акбар. Позната е како Црвената тврдина поради бојата на црвениот песочник, кој е употребен за нејзината изградба. Тврдината има форма на полумесечина и претставува прекрасна комбинација од индиските и исламски архитектонски елементи. Следува посета на фабрика и продавница, каде ќе се запознаете со стара техника за производство на мермерни производи. По желба, посета на неверојатното шоу "Махабат Таџ", кое ја опишува романтичната љубовна приказна на императорот Шах Џахан и неговата сакана сопруга Мумтаз Махал во познатиот театарски културен и конгресен центар "Калакрити". Претставата се изведува на хинди и урду, преведена на англиски, француски и германски јазик. Вечера во хотелот. Ноќевање.

Појадок. Заминување за Џајпур (240 км, околу 3-4 часа). По пат посета на Фатехпур Сикри - престолнина на империјата на големите моголски владетели. Градот е изграден од императорот Акбар (1556 - 1605 г.) на местото каде што раѓањето на неговиот син - идниот император Џахангир, е предскажано од мудриот Шеик Салим Чишти (1480 - 1572 г.). Поради недостиг на вода по 15 г., градот е напуштен. Зградите се изградени претежно од црвен песочник во стилот на индиските и муслиманските архитектонски традиции, а историскиот центар на градот се наоѓа под заштита на УНЕСКО од 1986 год. Пристигнување во Џајпур. Сместување во хотел "Zone by The park" **** / хотел "Mansingh" **** (или сличен) во Џајпур. Вечера. Ноќевање.

Појадок. Туристичка програма во Џајпур, престолнината на Раџастан, фасцинантен историски град и влез во најсветлиот дел од Индија. Разгледот на градот вклучува фотопауза кај палатата "Хава Махал" (Палатата на ветровите), изградена од Махараџата Сауаи Пратап Сингх во 1799 година. Палатата има пирамидална фасада со пет ката и располага со 953 мали прозорци, украсени со мали решетки. Низ малите прозорци и затворените балкони жените гледале процесии и различни активности кои се одржувале по улиците. Искачување со слон до тврдината "Амбер" (Амбер Форт) - ако нема слободни слонови, искачувањето се спроведува со џип. Раџа Ман Сингх, командантот на армијата на Акбар, ја изградил тврдината во крајот на 16 век. Таа е сместена на рид со поглед на езерото и е врвен пример на рајпут архитектурата. Целосно е изграден од бели мермерни и црвени песочни карпи. Прошетка во комплексот на дворови и сали. Многу од собите имаат прекрасни фрески, украсени се со скапоцени камења и огледала поставени во ѕидовите. Патот води до палатата "Џал Махал" (Водната палата), изградена во 1799 година од Мадхо Синг како летна резиденција за кралското семејство, каде се одржувале и ловечки излети за птици. Разгледот ја вклучува и историската опсерваторија "Џантар Мантар" - најзначајната и најдобро зачувана институција за набљудување на небесните тела во Индија. Посета на Градскиот дворец изграден од Махараџата Савај Џај Синг, кој има исклучителната архитектура и ликовна збирка од текстил, костуми и оружје. Комплексот опфаќа огромна област, поделена на серија на градини, внатрешни дворови и згради. Тука се наоѓаат просториите на Музејот на Градската палата. Вечера. Ноќевање.

Појадок. Поаѓање за Делхи (275 км). Сместување во хотел "The Muse Sarovar Kapasheda" **** / хотел "Golden Tulip Vasundhara" **** (или сличен). Вечерта - слободно време во Делхи - космополитски град, дом на 25 милиони луѓе, уникатна комбинација на традиционална древност и иновативна современост, што ја прави индиската престолнина еден од највозбудливите градови во светот со својата своевидна мистерија, магија и хаос. Како и Рим, Делхи се развивал врз остатоците од изгубените империи. Голем број армии ја освоиле рамнината на денешниот град и оставиле белег на својата цивилизација пред да се претвори во рушевини и да се откажат од тоа до новите освојувачи. Денес Делхи е хаотична мешавина од средновековни одбранбени објекти, мавзолеи, правливи чаршии, урбанистичко планирање од колонијалната ера и мега центри и модерни згради - источна бајка, која ги очекува своите вистински познавачи. Посета на фабрика за килими и обработка на скапоцени камења. Вечера. Ноќевање.

Појадок. Панорамскa обиколка на Делхи: џамијата "Џама Масџид" - една од најголемите во светот, изградена од Шах Џахан; Раџ Гет - меморијалот на Махатма Ганди, каде по неговото убиство неговото тело е кремирано; можност за фотографирање кај Црвената тврдина, сведок на богатството и моќта на империјата на Моголите. Следува прошетка со рикша низ пазарот "Чанди Чок" - еден од најстарите и најголемите пазари во стариот град, изграден во 17 в. од големиот моголски император Шах Џахан по проект на неговата ќерка Џахан Ара. Програмата продолжува со гробницата Хумејун чија архитектура послужила како инспирација при подготвувањето на проектот за изградба на споменикот "Таџ Махал" и е вклучена во Листата на светското културно наследство на УНЕСКО. Тоа е првата индиска зграда изградена според персиската концепција на конструкција со двојна купола. Разгледот вклучува поминување покрај "Кутаб Минар" - второ по височина минаре во Индија, што се издига на 100 метри височина. Друго познато обележје на главниот град е храмот "Лотус". Тоа е една од најубавите градби на бахајската архитектура и е отворена за секој, без оглед на религијата што ја исповедаат. Тука е најпознатиот Сикски храм "Гурдвара Бангла Сахиб". Панорамскиот разглед продожува и покрај парламентот, Претседателството и Триумфалната капија "Вратата на Индија", подигната во чест на индиските војници кои загинале во Првата светска војна. Вечера.Ноќевање.

Ран појадок или сув пакет. Трансфер до аеродромот. Заминување во 06.55 ч. за Истанбул со лет на „Turkish Airlines“. Пристигнување во 11.25 ч. во Истанбул. Поаѓање во 20.00 ч. за Бугарија. Пристигнување во 20.20 ч. на аеродромот во Софија (Терминал 2).