Бисерите на Португалија

Полетување од Терминал 1 на аеродромот во Софија со лет на авиокомпанијата "Wizz Air". Пристигнување на аеродромот во Лисабон. Трансфер до хотелот. Сместување. Ноќевање.

Појадок. Панорамска обиколка на Лисабон со локален водич: Плоштад "Маркеш де Помбал"; населбата Баиша која е обновена по земјотресот во 1755 година: плоштадите "Росио", "Фигеира" и "Комерсио", Статуата на морнарите, кулата "Белем" и манастирот "Жеронимуш" кој се смета за ремек-дело на португалската мануелска уметност, чиј основач бил кралот Мануел. Слободно време во Лисабон со можност за посета на Алфама - стариот кварт на Лисабон, познат по тесните улички, традиционалните фадо ресторани и многу барови, каде што можете да се качите со ретро трамвај (неопходно е користење на локален и јавен превоз). По желба  фадо шоу со вклучени 2 пијалоци (околу 22:00 часот поаѓање од хотелот, 22:30 часот пристигнување во ресторанот, околу 00:30 - 01:00 часот враќање во хотелот). Ноќевање.

Појадок. Поаѓање за средновековниот град Обидуш - еден од најпознатите бајковити градови во Португалија. Зад ѕидовите на тврдината има мали трговски улици со традиционални ниски куќи кои водат до замокот. Зад вратите на замокот се организираат витешки турнири, фестивал посветен на чоколадото, а пред Божиќ се гради вистински град за Дедо Мраз. Поаѓање кон Назаре кој во минатото бил мало рибарско село, а во денешно време е познат не само по риболовот, но и по убавите плажи, прекрасната кујна и уникатните локални народни носии. Слободно време за ручек во Назаре. Посета на манастирот во Баталја - прекрасен споменик на националната архитектура и едно од најголемите готски ремек-дела во Европа, изграден во 1388 год. во чест на клетвата, дадена од страна на кралот Жоао Први пред Светата Дева, дека ќе изгради величествен манастир ако ги победи кастилците во битката кај Алжубароте. Посета на Фатима - најпознатиот поклонички центар во Португалија. Поаѓање за Порто. Сместување во реонот на Порто. Ноќевање.

Појадок. Поаѓање за Сантијаго де Компостела - главен град на Автономната заедница Галиција во Шпанија. Една од главните атракции на градот е катедралата во која се сместени моштите на Св. Јаков. Катедралата на Сантијаго де Компостела е всушност крајната точка на поклоничката рута, позната како "Патот кон Сантијаго" или како "Ел Камино". Оваа маршрута започнува од јужна Франција, поминува низ Пиринеите, тргнувајќи од исток кон запад низ северна Шпанија. Од 1985 год., стариот град Сантијаго де Компостела е вклучен во листата на УНЕСКО. Враќање во Порто. Ноќевање.

Појадок. Туристичка програма во Порто: станицата “Сао Бенто”; камбанаријата “Торе Душ Клеригуш”; Катедралата од каде по средновековните улици со гранитни куќи од 12-от век се стигнува до шеталиштето “Дуеро”. Слободно време во Порто или туристичка програма по желба: 1. Посета на винарска визба со дегустација на познатото португалско вино - портвајн (времетраење околу 1 час). 2. Прошетка со бродче по реката Дуеро (времетраење околу 1 час). (Може да се резервираат и двете дополнителни услуги). Ноќевање.

Појадок. Целодневна екскурзија во најживописната провинција на Португалија “зеленото Мињо”, која се наоѓа во северниот дел на земјата. Посета на Брага, каде што можат да се откријат траги на многу народи кои поминале низ Пиринејскиот полуостров - Келти, Римјани, Визиготи. Практично овде може да се видат сите архитектонски стилови и пред сè, португалскиот барок. Фотопауза во близина на светилиштето "Бом Жезуш ду Монте" ("Милостивиот Исус"). До овој храм, кој се наоѓа на врвот на еден рид, се стигнува по барокни скали кои се состојат од 17 плоштатки, украсени со параклиси, убави фонтани и скулптури. Во најнискиот дел од ова барокно скалило можете да видите слики од Христовото распнување, средното ниво е посветено на Петте Сетила, а на највисокото ниво се симболите на трите добродетели - Вера, Надеж, Љубов. Поаѓање за Гимараеш - првата престолнина на Португалското кралство и средновековен ансамбл, вклучен во Листата на светското и културно наследство на УНЕСКО: плоштад "Св. Јакоб" и поклоничката црква "Носа Сењора да Оливеира". Враќање во Порто. Ноќевање.

Појадок. Поаѓање за Авеиро, уште нарекуван и "португалската Венеција" поради неговиот систем од канали и чамци сличен на оние во Венеција. Поаѓање за Коимбра - многу симпатичен град благодарение на неговата уникатна студентска атмосфера. Над градот се издигнува зградата на најстариот универзитет во Португалија (поранешна кралска палата), во која е сместена познатата барокна библиотека. Пешачка прошетка по тесните и мали улички на Коимбра: старата романска катедрала; Баиша или "Долниот град" каде што се наоѓа трговскиот дел на градот; Црквата “Светиот Kрст”, каде што се сочувани остатоците од првиот португалски крал Афонсу Енрикеш. Поаѓање кон Томар. Посета на Замокот на темпларите од 12 в. и манастирот “Орден на Христа”. Поаѓање за Лисабон. Сместување во реонот на Лисабон. Ноќевање.

Појадок. Слободно време во Лисабон – потребно е користење на локален и јавен транспорт или тустистичка програма по желба: екскурзија до Синтра - бајковит град на самовили и добри волшебници, летна резиденција на кралското португалско семејство од 12 век, вклученa во листата на УНЕСКО и 'Рт Кабо да Рока - најзападната точка на европскиот континент, каде што "Земјата завршува и Морето започнува". Враќање во Лисабон. Трансфер до аеродромот. Поаѓањe за Бугарија со лет на авиокомпанијата "Wizz Air". Пристигнување на аеродромот во Софија.